पतधोरण जाहीर, शक्तिकांत दास यांनी दिली माहिती
नवी दिल्ली : वृत्तसंस्था
आरबीआयने आज नवे पतधोरण जाहीर केले. यावेळीदेखील आरबीआयने आपल्या रेपो रेटमध्ये कोणताही बदल केलेला नाही. त्यामुळे सध्या रेपो रेट ६.५० टक्क्यांवर कायम आहे. गुरुवारी म्हणजेच ८ ऑगस्ट २०२४ रोजी भारतीय रिझर्व्ह बँकेच्या चलनविषयक धोरण समितीची महत्त्वाची बैठक पार पडली. या बैठकीनंतर आरबीआयने रेपो रेटमध्ये कोणताही बदल करण्यात आलेला नसल्याचे जाहीर केले.
आरबीआय गव्हर्नर शक्तिकांत दास यांनी याबाबत माहिती दिली. चलनविषक धोरण समितीच्या सहापैकी चार सदस्यांनी रेपो रेटमध्ये कोणताही बदल करू नये, असे सुचवल्याची माहिती दास यांनी दिली. यावेळी त्यांनी जागतिक संकटांवरही भाष्य केले. आरबीआयने रिव्हर्स रेपो रेट ३.३५ टक्क्यांवर कायम ठेवण्याचा निर्णय घेतला.
सलग आठव्यांदा
रेपो रेट जैसे थे
आरबीआयच्या मॉनिटरी पॉलिसीची प्रती दोन महिन्यांनी आयोजित केली जाणारी चलनविषक धोरण ठरवणारी तिसरी बैठक पार पडली. ६ ते ८ ऑगस्ट या कालावधीत ही बैठक झाली. एकूण सहा सदस्य असलेल्या बैठकीत रेपो रेट ६.५ टक्क्यांवर कायम ठेवण्याचा निर्णय या बैठकीत घेण्यात आला. आरबीआयने सलग आठव्यांदा रेपो रेटमध्ये कोणताही बदल झालेला नाही.
