प्रयागराज : जगातील सर्वात मोठा धार्मिक महोत्सव अशी ओळख असणा-या महाकुंभमेळ्याची सोमवार दि. १३ जानेवारीपासून सुरुवात झाली. उत्तर प्रदेशातील प्रयागराज या ठिकाणी गंगा, यमुना आणि सरस्वती या नद्यांच्या संगमावर पौष पौर्णिमेनिमित्त १४ जानेवारी २०२५ रोजी पहिले शाही स्रान संपन्न झाले.
सोमवारी १३ जानेवारी ते बुधवार दि. २६ फेब्रुवारी असे तब्बल ४५ दिवस महाकुंभ मेळावा आयोजित करण्यात आला आहे. प्रयागराजमध्ये सोमवार दि. १३ जानेवारी रोजी महाकुंभचा दिमाखदार शुभारंभ करण्यात आला. प्रयागराजमध्ये होणा-या या महाकुंभ मेळाव्यासाठी ४५ हजार पोलिस कर्मचारी तैनात करण्यात आले आहेत. महाकुंभच्या संपूर्ण व्यवस्थापनासाठी २,७५० पेक्षा अधिक सीसीटीव्ही कॅमेरे बसवण्यात आले आहेत. या कॅमे-यांना कृत्रिम बुद्धिमत्तेच्या साहाय्याने ४० कोटी भाविकांच्या हालचालींवर लक्ष ठेवण्यासाठी सक्षम केले आहे. त्यासोबतच अक-आधारित तब्बल २६८ व्हीडीओ कॅमेरे गर्दीच्या हालचालींच्या निरीक्षणासाठी तैनात करण्यात आले आहेत.
महाशिवरात्रीला अंतिम स्रान
प्रयागराज महाकुंभ मेळाव्यादरम्यान एकूण ६ शाही स्रान होणार आहेत. या कुंभमेळाव्यातील पहिले शाही स्रान १३ जानेवारी रोजी पार पडले तर दुसरे शाही स्रान १४ जानेवारी रोजी मकरसंक्रातीच्या दिवशी पार पडले. तिसरे स्रान २९ जानेवारी २०२५ रोजी मौनी अमावस्येदिवशी होईल तर चौथे स्रान २ फेब्रुवारी रोजी वसंत पंचमी दिवशी होईल. यानंतरचे पाचवे शाही स्रान १२ फेब्रुवारी २०२५ रोजी माघ पौर्णिमा दिवशी आणि शेवटचे शाही स्रान २६ फेब्रुवारी रोजी महाशिवरात्री दिवशी असेल.
