नवी दिल्ली : १८ व्या लोकसभेचे हंगामी अध्यक्षपद कोणाकडे असणार यावरून सुरू असलेल्या चर्चांमध्ये राष्ट्रपती द्रौपदी मुर्मू यांनी अधिवेशन सुरू करण्यासाठी भाजपाचे खासदार भर्तृहरी महताब यांची गुरुवार दि. २० जून रोजी हंगामी अध्यक्ष म्हणून नियुक्ती केली.
कटकचे भाजप खासदार भर्तृहरी महताब हे लोकसभेचे हंगामी अध्यक्ष असणार आहेत. केंद्रीय संसदीय कामकाज मंत्री किरेन रिजीजू यांनी ही माहिती दिली. महताब हे लोकसभा अध्यक्ष निवडीपर्यंत अध्यक्षपदाची जबाबदारी पार पाडणार आहेत. सदस्यांना शपथ घेण्याच्या कामी हंगामी अध्यक्षांना मदत करण्यासाठी घटनेच्या कलम ९९ अन्वये सुरेश कोडीकुन्नील, थालिकोट्टई राजुतेवर बाळू, राधा मोहन सिंग, फग्गनसिंग कुलस्ते आणि सुदीप बंदोपाध्याय यांची सदस्यपदी नियुक्ती करण्यात आली.
