नवी दिल्ली : वृत्तसंस्था
पहलगामच्या हल्ल्यानंतर भारतीय सेनेने ऑपरेशन सिंदूर राबवले. या ऑपरेशनमध्ये भारतीय वायुसेनेने सर्वांनाच थक्क करणारी कामगिरी केली. आता याच भारतीय वायूसेनेचे नाव जगात होत आहे. सामर्थ्यशाली वायूसेनेत भारतीय वायूसेनेने पाकिस्तानला धोबीपछाड दिली. यासोबत चीनलाही मागे टाकले.
वर्ल्ड डायरेक्टरी ऑफ मॉर्डन मिलिट्री एयरक्राफ्टच्या रँकिंगमध्ये भारत आता तिस-या स्थानावर जाऊन पोहोचला आहे. भारताने या रँकिंगमध्ये पाकिस्तान तसेच चीनलाही मागे टाकले. या रँकिंगमध्ये सर्वोच्च स्थानी अमेरिका आहे. त्यानंतर रशियाचा दुसरा क्रमांक आहे. याआधी या रँकिंगमध्ये चीन तिस-या क्रमांकावर होता. आता चीन चौथ्या क्रमांकावर जाऊन पोहोचला असून भारतीय वायूसनेने तिस-या क्रमांकावर उडी मारली.
डब्ल्यूडीएमएमएच्या रँकिंगमध्ये तिस-या स्थानी जाणे ही बाब भारतासाठी अभिमानास्पद आहे. या यादीत एकूण १०३ देश असून १२९ वायूसेनांचा समावेश आहे. या यादीत भारत तिस-या स्थानावर आहे. ही रँकिंग तयार करताना जगभरातील ४८,०८२ विमानांवर लक्ष ठेवण्यात आले. भारतीय वायूसेनेचे ट्रू वॉल रेटिंग ६९.४ आहे. या रेटिंगच्या माध्यमातून भारतीय विमानांचे फक्त मूल्यांकनच होते असे नाही तर या रँकिंगमधून भारताच्या क्षमता, सैन्यासाठीची मदत, आधुनिकीकरण, प्रशिक्षण आदी गोष्टींचेही मूल्यांकन केले जाते.
